Bizkaiko trainerillen bandera jokoan egongo da asteburuan Ondarroan. Zapatuan, maiatzak 21, sailkapen fasea jokatuko da, eta domekan, maiatzak 22, ostera, finalak.
Sailkapen fasea 16:00etan hasiko da, eta gazte mailako eta nagusi mailako trainerillek parte hartuko dute bertan. Domekarako finalean, denbora onena lortzen duten bost trainerillak sailkatuko dira, eta 12:00etan erabakiko da nor izango den banderaren irabazlea.
