Santa Zezili musikarien eguna ospatzeko mota eta adin guztientzako herritarrei zuzendutako egitaraua prestatu du Ondarroako Udalak. Azaroaren 22an hasi eta azaroaren 26ra bitartean musikarekin lotutako ekimenak izango dira Ondarroan.
Jaiari hasiera emateko Kresala Kultur taldeko trikitilari eta panderojoleak ibiliko dira kalerik kale azaroaren 22an. Hurrengo egunetan, musika eta dantza izango dira Ondarroako kaleak alaitasunez janzteko.
