Osasungintzako profesionalek emandako aholkuei jarraituz, Ondarroako Udalak herritarrei helarazi nahi die gmendio berdina: etxetik ahalik eta gutxien atera behar denez, komeni da erosketak astean behin egitea. Horrela, norbere osasuna eta dendariarena gehiago zainduko ditugu denon artean.
Bestalde, herritarren sareko boluntarioen laguntza etxez-etxe jasotzen dutenei ere aste osoko erosketak aurreikustea eskatzen zaie udaletik, boluntarioek ahalik eta denbora gutxien pasa dezaten kalean eta pertsona nagusiei laguntzera doazenean ere ahalñik eta kontaktu gutxien edukitzeko.
Segurtasun neurri onena etxean geratzea da, beraz, irteerak zenbatuak eta oso neurtuak izan behar dira.
Era berean, udaleko telefonora laguntza eskatzeko deitzen dutenei gogorarazi nahi zaie datorren astean Aste Santua hasiko dela, beraz, denda batzuk egun batzuetan itxita egongo direnez, egin beharreko erosketak jasotzeko astelehenetik asteazkenerako tartea egongo dela.
HONEKIN LOTUTA:
- Erantzun bikaina eduki du herritarrei maskarillak egiteko eskariak; mila esker!
- 70 urtetik gorako herritarrei banan-banan deitzen ari da udala, ea nola dauden eta ezer behar ote duten jakiteko.
- Herriko boluntarioak, ondarrutarrei laguntzen ari diren 50 lagun; eskerrik asko!
