Aurten ere, Ondarroako Udalaren eta Elkar argitaletxearen eskutik dator, hemeretzigarrenez. “Euskal kultura aberasteko eta idazleen lana bultzatzeko” xedearekin egiten den nobela sortzeko beka eskuratzeko lehian sartu nahi dutenek mrey@ondarroa.eus helbide elektronikora bidali beharko dituzte proiektuak, irailaren 30a baino lehen.
Iñaki Antiguedad Azumendi hidrogeologoaren hitzaldia antolatu du Zientziaren Giltzak Elkarteak Beikozinin. "Klima aldaketa uraren ikuspegitik. Nondik gatoz? Nora goaz?".
Manuelistek Aitzol Aramaioren omenez antolatzen duten festibala da Marabilli. Aurten, urriaren 3, 4, 5 eta 6an ospatuko da.
Bide Onera zineman egin zen Atako Bandan ikuskizunaren bideo emanaldia antolatu du Bizkaiko Foru Aldundiak, Ondarroako Udalarekin batera, Ondarearen Europako Jardunaldien barruan.
Aurten ere Aringaingan taldea egongo da Etxelilan, Emakumeen Jabekuntza Eskolen barruko parte hartze espazioetako batean oinarrituta. Arantza Burgoa Agirregomezkorta izango da dinamizatzailea.
Ondarroako Gaztetxearen 30.urteurrena denon artean antolatzeko batzar irekia.
Redstone Soluk zikloaren barneko kontzertua. Montauk talde gasteiztarra Portuko Ranpan zuzen-zuzenean.
Aniztasunaren Besarkada Eguna dela eta urriaren 13an (igandea) 13:00ean dago hitzordua eginda Itsasaurren. Egun horretan Ekairen 18. urtebetetzea da eta senideek jaso dituzten besarkaden bidez sentitutako babes guztia eskertzeko modu polita dela iritzi dute. Herritarrak bertan parte hartzera animatu nahi izan dituzte.
Ondarroako Udaleko Euskara Batzordeak martxan ipini du beste urte betez Nanoipuin lehiaketa. 140 karakteretan eta gai librean ipuinak idazteko lehiaketa antolatzen den zortzigarren aldia du Euskara Batzordeak. Parte hartzaile bakoitzak nanoipuin bi bidali ahalko ditu lehiaketara, baina hori bai, biak bidalketa bakar batean. Lanak mrey@ondarroa.eus posta elektronikora bidali behar dira.
Aztergaiak: 1. 2019ko irailaren 25eko bilerako aktaren onespena, hala badagokio. 2. 2019ko dirulaguntza deialdiko oinarriak onartzea. 3. Eskaerak eta galderak
Redstone Soluken barruan Miren Narbaizaren kontzertua Portuko Ranpan.
Zubi Zahar herri ikastolak antolatzen duen egun guztiko jaia. Kalejira, bazkaria, omenaldia, musika...
Lea-Artibaiko Amankomunazgoaren hondakinak batzeko puntu mugikorra egongo da Alamedan. Esaterako, bonbonak, pintura poteak, pilak, gailu elektronikoak, CDak edo aerosolak bota ahal dituzte herritarrek.
Ondarroako Jatorri Aniztasuna Zenbakietan web zerbitzua aurkeztuko da Etxelilan. Herrian daukagun jatorri aniztasuna ezagutu eta elkarren arteko harremanak sendotzeko tresna izango da. Udalbarriak web orrian egongo da eskuragarri tresna multimedia hau.
Liburuen Amuak egitasmoaren baitan Miren Amurizaren Basak liburua aztertuko dute Joxemari Urteagaren gidaritzapean.
Redstone Soluk kontzertuen barruan Pettiren kontzertua Portuko Ranpan.
Zientziaren Giltzak Elkarteak antolatutako de luz y de color izeneko hitzaldia. Hizlaria Sebastian Cardenete Garcia dibulgatzailea izango da.
Mater ontzi museo ekoaktiboa Ondarroan egongo da hiru egunez. Herriko gazteek hainbat ekintza egingo dituzte bertan. Bisita baliatuz, "Itsas Zaindaria" aipamena ere emango diete itsasoarekin lotura zuzena daukan ondarrutarren bati.
Ondarroan lau egunez ospatzen den literatur jaialdia. Mota askotako literatur eta kultur ikuskizunak eskaintzen dira egun horietan herrian, publiko mota desberdinetzat.
