Ondarroako Andra Mari jaiak iragartzeko kartela egiteko lehiaketa martxan dago. Kartela aurkezteko asmoa daukatenek uztailaren 18ko eguerdiko 14:00ak baino lehen egin beharko dute udaletxeko erregistro orokorrean (Alamedako bulegoetan).
Hauek dira lehiaketaren oinarriak:
-
Edonork har dezake parte eta gaia librea da. Egile bakoitzak lan bakarra aurkeztu ahalko du.
-
Kartelaren ezaugarriak:
- Teknika: edozein.
- Neurria: A-3
- Formatoa: euskarri gogorra edo papera.
- Titulua: Kartelak ondorengoak jaso behar ditu:
- 2019ko ONDARROAKO JAIAK eta letra txikiagoan, Andra Maixak
- Abuztuaren 10etik 18ra
-
Kartelak noiz eta non aurkeztu:
- Epea: 2019ko uztailaren 18ra arte, 14:00ak baino lehenago.
- Tokia: Udal erregistro orokorra
- Postaz aurkezteko helbidea: Ondarroako Udala – Jaietako kartel-lehiaketa – 48700 Ondarroa
-
Kartela zer-nola aurkeztu
- Kartelek ez dute jasoko egilearen izenik, eta kartazal zarratuan sartuta aurkeztuko dira; kartazalean soil-soilik lema edo goitizena jarriko da.
- Kartazal horren barruan beste kartazal bat sartuko da eta horren kanpoan lema edo goitizena jarriko da, eta barruan egilearen izen-abizenak, telefonoa, helbidea, lanbidea eta nortasun agiriaren kopia.
-
Sariak
- 1. saria: 500 euro (saria ordaintzerakoan dagozkion kenkariak aplikatuko zaizkio)
-
Epaimahaia
- Ondarroako Udalak aukeratuko du kartelik onena sarituko duen epaimahaia. Aurkeztutako lanek ez badute behar den besteko kalitaterik, epaimahaiak erabaki dezake saririk ez ematea.
-
Udalak eskuratuko du saritutako kartelaren jabetza, eta eskubidea izango du argitaratzeko, zabaltzeko eta abar.
- Saritu gabeko kartelak egileen esku izango dira abuztuaren 7ko 14:00ak arte.
