Ondarroako Udalak herriko jatorri eta kultur aniztasuna landu du hiru urtez eta proiektu horren baitan kokatzen da Jatorri Aniztasuna Zenbakia web-zerbitzua. Web zerbitzu horretan Ondarroan dagoen jatorri aniztasuna ikusi ahalko dute herritarrek. Aurkezpena Etxelilan izango da, datorren ostiralean (urriak 25) goizeko 10:00etan.
Tresna berri hau “herriko biztanleriaz zein elkarbizitzaz egiten den edozein hausnarketarako tresna baliagarria” izatea espero du Pedro Lasarte Aniztasun zinegotziak. Herritar guztiak gonbidatu dituzte aurkezpen ekitaldira: “herritarrei tresna berria azalduko diegu, udalbarriak webgunean erabilgarri egon dena, eta ondoren Ondarroako jatorri aniztasunaren maparen emaitza emago dugu ezagutzera“.
Proiektuak bi xedezehatz eduki ditu: lehenengoa, herritarren esku, haien inguru hurbileko (herria) informazioa zehatza emango duen tresna digital erabilgarri, eguneratua eta ulerterraza jartzea, eta bigarrena datuen bidez elkar ezagutza sustatzea, migrazio eta jatorri aniztasunaren eremuan.
