Bihar, ekainaren 9, eguena, 16:00etan, Eusko Jaurlaritzako ordezkariekin bilduko da Ondarroako Udala Gasteizen. Orain arte egindako eskariei erantzun dio Eusko Jaurlaritzak eta bihar lehenengoz batzartuko dira Ondarroako udal ordezkariekin.
Bileran alkatea eta gobernu taldeko kideek parte hartuko dute eta horretaz gain, udaleko teknikariak ere bertaratuko dira. Bileran hitz egindakoa herritarrei jakinaraziko zaiela aurreratu du Zunbeltz Bedialauneta Ondarroako alkateak.
