Errenta aitorpena euskaraz egiteko kanpaina abiarazita dago aurten ere Udalerri Euskaldunen Mankomunitateko beste herriekin batera. Eta gure eskualdean, ahalik eta euskarazko errenta aitorpen gehien lortzeko, hiru herri handienetan batera abiatu dute kanpaina. Ondarroako Udalak azken hiru urteetan egin bezala, Lekeitioko eta Markina-Xemeingo Udalek ere hitzarmena sinatu dute herriotako finantza erakunde eta entitate laguntzaileekin. Hitzarmen horren helburua da bakoitzak bere esparrutik ahalegina egitea herritarrek euskaraz egin dezaten errenta aitorpena, euren egunerokoan beste gauza guztiak egiten diren bezala, naturaltasun osoaz, erraz eta traba barik.
Entitate laguntzaileen garrantzia
Herritar gehienen aitorpenak modu horretan egiten dira, (finantza erakundeen eta aholkularitzen bitartez), Aldundiak etxera eginda bidalitakoen atzetik eta internet bidez eta eskuz egindakoen aurretik.
Entitate laguntzaileek zer egingo duten
Bezeroei aitorpena euskaraz egiten lagundu, ahoz zein idatziz; bezeroak euskaraz egitera animatu eta bezeroei euskaraz egiteko eskatu.
Urterik urte gehiago
Urterik urte, honelako kanpainen eraginez, gero eta gehiago dira errenta aitorpena euskaraz egiten duten herritarrak. Horretarako, alegia, herritar gehiagok egin ditzaten aurten aitorpenak euskaraz, Udalak eta errenta aitorpena euskaraz egiten laguntzen duten entitateek hitzarmena sinatzea beharrezkoa ikusi dute haien konpromisoa adierazteko.
Errenta aitorpenean euskarak emaitza positiboa beti.
Gutako bakoitzak errenta aitorpena euskaraz egiten dugun bakoitzean ari gara laguntzen administrazioa euskalduntzen. Hori positiboa da.
Emaitza positiboak lortzeko ezinbestekoak dira baldintza batzuk. Alde batetik, hiztun komunitate sendo bat –eta hori guk, Lekeition, Markina-Xemeinen eta Ondarroan, badaukagu– eta bestetik, babesa eta laguntza –eta horretara dator hitzarmen hau– udalek eta errenta aitorpeneko agenteak dituzten entitateek, bakoitzak bere esparruan, laguntzak eta erraztasun guztiak ipintzea herritarren eskura euren aitorpena euskaraz egin dezaten.
Kalitatezko zerbitzua euskararen eskutik
Hitzarmena sinatuko duten entitateek kalitatezko zerbitzua eskaintzea dute helburu eta kalitatearen funtsezko osagaia, Ondarroan, euskararen eskutik dator.
Finantza erakundeek eta aholkularitzek dituzten bulegoak herritar askoren berezko topaguneak dira eta, gurea bezalako herri euskaldunetan, euskara erabiltzeko ohiko tokiak.
Elkarlana
Bakoitzak bere esparrutik ahalegina eginda emaitza hobeak lortuko ditugu. Zenbat eta toki gehiagotan eragin orduan eta hobeto.
Herritarrei erraztasunak emateko ahaleginean elkarlanean arituko dira udala, finantza erakundeak eta aholkularitzak. Azken hauek herritarrengandik hurbilen daudenak izanik, bitartekari naturalak dira errentaren kanpainarako. Herritar askoren aitorpenak finantza erakundeetan eta aholkularitzetan egiten direnez gero, garrantzitsua da bezeroei aitorpena euskaraz egiten laguntzea.
Dena den, aipatu beharra dago baita ere, aitorpen guztiak ez direla entitateetan egiten. Gutxi asko, ia etxe guztietan jasotzen da Aldundiak bidalitako gutuna, kasu horietan aitorpena eginda bidaltzen dutenez komeni da begiratu bat eman eta konturatzea zer hizkuntzatan dagoen. Erderaz badago, Aldundira deitu behar da euskaraz jaso nahi dela esateko.
Aurrekariak
Badira urte batzuk Errenta Aitorpena Euskaraz kanpainak abiarazi direla eta datuak baditugu. Argazki hau ekarri digute datu horiek:
EUSKARAZ EGINDAKO AITORPENAK URTERIK URTE
|
Ondarroan |
||||||
|
Euskararen ezagutza (2011) |
2012 |
2013 |
2014 |
2015 |
2016 |
2017 |
|
79,10 |
% 34,70 |
% 35,25 |
% 39,91 |
% 42,80 |
% 43,15 |
% 45,10 |
|
Markina-Xemeinen |
||||||
|
78,78 |
%32,90 |
%22,75 |
%22,35 |
%22,20 |
%24,20 |
%24,4 |
|
Lekeition |
||||||
|
80,05 |
%40,45 |
%36,71 |
%32,72 |
%33,20 |
%34,95 |
%34,5 |
Iturria: Bizkaiko Foru Aldundia
Euskaraz egindako errenta aitorpenen kopuruak, gehienetan, gora egin du azken urteotan. Goranzko joera sendoagoa da kanpainaren inplikazioa handiagoa izan den tokietan (Ondarroa, kasu), besteak beste, aholkularitza eta entitateen lanarengatik.
-
Errenta 2017
Bizkaiko lehen 12 postuen zerrenda euskarazko aitorpenetan
Udalerria Aitorpenak guztira
Aitorpenak euskeraz %
NABARNIZ 238
50,8
ONDARROA 4.424
45,1
BERRIATUA 621
41,7
MENDEXA 197
39,6
AMOROTO 193
38,9
AULESTI 327
38,2
LEKEITIO 3.742
34,5
ISPASTER 351
33,3
ETXEBARRIA 431
31,3
ZIORTZA-BOLIBAR 184
31,0
GIZABURUAGA 106
26,4
MARKINA-XEMEIN 2.733
24,4
-
Errenta 2017ko datuak
aitorpenetako hizkuntzaren eta udalerriaren arabera
Udalerria
Aitorpenak guztira
gaztelaniaz
euskeraz
Daturik gabe
kopurua
%
kopurua
%
kopurua
%
LEKEITIO
3.742
2.427
64,9
1.292
34,5
23
0,6
MARKINA-XEMEIN
2.733
2.052
75,1
667
24,4
14
0,5
ONDARROA
4.424
2.412
54,5
1.995
45,1
17
0,4
Aurrera begira:
Aurrera begira zer, orduan? Bada, haztea, zer bestela?: euskaraz egindako aitorpenen ehunekoa igotzea.
Euskara aukeratu: Diru-kontuak tartean direnean hizkuntzak zerikusi ez duelakoan konturatu ere ez gara egiten euskaraz egin ahal dugula tramite hori ere.
