Euskararen herria da Ondarroa, herri euskalduna. Euskarari eusteko indar handia erakutsi dute beti ondarroarrek. Oinarria ona dugu, bai; baina dena ez da urre.
Ezagutu ditugun azken datuek erakutsi digute badugula zeregin herri euskaldunetan, baita Ondarroan ere, euskararen indarra makaltzen doalako.
Joera negatiboa ia denetan nabari da: jaitsiera ezagutzan, jaitsiera etxeko erabileran (EUSTAT), jaitsiera kaleko jendearen elkarrizketetan (Klusterra), eta hutsaren hurrengoa kultur produktuen kontsumoetan (UEMA).
Hizkuntza ohiturak aldatzeko garaia da, Euskaraldia da, #Hitzezekiteko
Eta horregatik, hain zuzen, hausnarketarako atea ireki du Ondarroako herri batzordeak, sartu barrura!
