Zientziaren Giltzak elkarteak Juan Ignacio Perez Iglesias biologoa gonbidatu du Ondarroara urtarrilaren 27an arratsaldeko 18:30ean Beikozinin Animalia kulturalak: nola bultzatzen duen kulturak giza bilakaera hitzaldia eskaintzeko.
Zubi Zahar herri ikastolak herriko guraso guztientzako hitzaldiak antolatu ditu. Lehenengoa jolas librea da. Ostegunean izango da (otsailak 6) 17:30ean Kofradia Zaharrean. Txusma Azkona izango da hizlaria. Ume zaintza zerbitzua egongo da.
30. Ondarru Igeriketa Saria ospatuko da larunbatean (otsailak 8) Zaldupe udal kiroldegiko igerilekuetan. Txapelketak dirauen bitartean igerilekuak itxita egongo dira erabiltzaileentzat, hau da, 13:30ak arte.
Radixu Irratiak antolatuta kontzertuak Portuko Ranpan: Lukiek eta Dena taldeak. Sarrerak salgai Noya tabernan eta Zurrumurru liburudendan.
Carlos rigby poeta nikaraguarri buruzko ikus-entzunezkoa proiektatuko da doan, Ondarroako Kofradia Zaharreko bigarren solairuan. Nazioarteko hainbat jaialditan proiektatu ostean, Ondarroan egingo du geldialdia lanak, Itziar Garalde Nikaraguan bizi den artista ondarrutarraren ekimenez. Amaieran Keu Agorretxeak ere abestuko du.
Hondakin bereziak batzeko puntu mugikorra egongo da Alamedan goizeko 09:00etatik 11:00etara. Aerosolak, substantzia arriskutsudun ontziak, pintura eta disolbatzaileen ontziak, autoen iragazki, pila eta bateriak, fluoreszenteak, tonerrak, CDak, idazteko materiala (boligrafoak, rotulkiak...), motoen olioa, bonbonak... batuko dira. TRASTE ZAHARRAK ATERA NAHI IZANEZ GERO TELEFONO ZENBAKI HONETARA DEITU: 900 10 48 78
Naizen elkarteak lore eskaintza antolatu du larunbaterako. Ekitaldia 12:00etan hasiko da Ekai Lersundi Martinezen oroimenez Itsasaurren dagoen monolitoan.
Radixu Irratiak antolatutako kontzertuak: Inoren ero ni + Fly Shit. Sarrerak salgai aurretiaz Noya tabernan eta Zurrumurru liburudendan 6 eurotan edo egunean bertan 8 eurotan.
Aurten entsegu bakarra egingo da Lantzoiarekin eta Akularekin danborra jotzeko. Otsailaren 16an, igandea, 19:00etan Artelan elkarteak portuan daukan tailerrean.
Zientziaren Giltzak elkarteak antolatu duen otsaileko hitzaldian Klima aldaketa izango da hizpide. Elisa Sainz de Murieta Zugadi geologoa izango da hizlaria.
Euskaraldiak Ondarroan daukan batzorde eragilearen bilera egingo da udaletxean, 2020ko Euskaraldia prestatzen jarraitzeko. 2020ko Euskaraldia azaroaren 20tik abenduaren 4ra izango da. https://www.youtube.com/watch?time_continue=4&v=wgDJJEjlwY4&feature=emb_logo
Ondarroako udaletxe zaharrean dagoen Helduentzako Ikastetxeak bere eskaintza eta funtzionamendua ezagutzera emateko batzar informatiboak antolatu ditu otsailaren 20rako, osteguna. Goizeko batzarra 10:30ean izango da udaletxe zaharrean.
Ondarroako udaletxe zaharrean dagoen Helduentzako Ikastetxeak bere eskaintza eta funtzionamendua ezagutzera emateko batzar informatiboak antolatu ditu otsailaren 20rako, osteguna. Arratsaldeko batzarra 17:30ean izango da udaletxe zaharrean.
Lilatoirako autobusean izena emateko azken eguna da gaur. Etxelilan egongo da aukera 16:30etik 20:30era. Autobusean izena eman daitekeen arren lasterketan izena emateko aukerarik ez dago Etxelilaren bitartez.
Lantzoi jaunari ongi etorria herriko inauterietan bete-betean murgiltzeko.
Ondarroako Z zine klub taldeak antolatuta, La familia Adams pelikula proiektatuko dute otsailaren 23an, 17:30ean, Beikozinin (goiko aretoan). Prezioa: 2 euro.
Ondarroako inauteriei agur esateko akularen enterrua, barratik hasi eta Zubi Zaharreraino, eta handik uretara pregoiaren ostean.
Bortxatzaile bat zure bidean kale ekimenaren entsegua egingo dute 18:00etan Etxelilan, Txoko Moreak antolatuta. Jaietako zapi morea edota begiak estaltzeko tela beltza edo morea eramateko eskatu dute. Informazio gehiago Etxelilaren facebook kontuan.
Liburuen Amuak egitasmoaren baitan Iñigo Aranbarriren Munduko tokirik ederrena liburua aztertuko dute, Joxemari Urteagaren gidaritzapean.
Zatozte merkatari elkarteak merkatu txikia egingo du Alamedan, 10:00etatik 15:00etara. Euria egiten badu merkatu txikia Berdura Plazan egingo da.
