Eusko Label ligako hamairugarren jardunaldia jokatuko da Ondarroako badian, XXXV. Ondarroako Bandera - Cikautxo Sari Nagusia. Etxeko Antiguako Ama traineruaz gain, Orio Babyauto, Go Fit Hondarribia, Santurtzi Iberdrola, Zierbena Bahias de Bizkaia, Donostiarra, Urdaibai Avia, Cabo da Cruz, Kaiku, Lekittarra Elecnor, San Pedro eta Astillero arituko dira.
Abuztuaren 11an ospatzen da Santa Klara eguna, izen bereko ermitaren inguruetan.
Emakumeen Traineru Elkartearen ligako 12. jardunaldia jokatuko da Ondarroako badian. Etxeko neskekin osatutako traineruaz gain, Hibaika Jamones Ancin, Zumaia-Salegi Jatetxea, Tolosaldea, Kaiku, Deusto-Tecuni-Bilbao, Hernani Mitxelena, Isuntza-Elecnor-Cikautxo, San Juan Iberdrola, Lapurdi eta Hercos Colindres taldeak arituko dira.
Abuztuaren 12an osatzen da Ondarroako jaietako umeen eguna. Egun guztiko egitaraun beraiek izaten dira protagonistak.
Gazteen egun bereziena izaten da. Goizean Turubiren jaitsiera eta txaranteoa egiten dute, guztiek batera bazkaldu aurretik. Arratsaldean jolasak eta musika eta gauean danborrada.
Jaiak ofizialki hasten diren eguna da. Eguneko unerik garrantzitsuena Leokadi Kortxeletik herrira jaistean gertatzen da. Ondoren, musika bandak lagunduta, kalejira egiten dute Kortxeleko Mamuek.
Abuztuaren 15a egun ezberdina izaten da. Goizean udal korporazioari agurra dantzatu beharrean agurra herriari dantzatzen zaio. Arratsaldean pilota partiduak egon ohi dira eta gauean su artifizialak, zezen-suzkoa eta kontzertuak Gaztetxean.
Aurten lehenengoz nesken Andra Mari saria jokatuko da Zaldupen. Lehen aldi honetan Athletic Club B eta SD Eibar arituko dira nor baino nor.
Abuztuaren 16a herriko kuadrilen eguna da. Adin guztietako neskak eta mutilak egun horretarako jai batzordeak aukeratutako gaiarekin zerikusia duten mozorroekin ateratzen dira kalera. Eguerdian kuadrilen bazkaria egiten da Kafeko Atzean. Arratsaldean kuadrilen jokoak, erromeria eta herri kirolak. Gauean kotzertu esanguratsuak egoten dira.