Urtarrilaren 24ean hasi dira Musika Plazako obrak eta 10 asteko iraupena izango dute. Lan hauen bitartez Udal zerbitzu orokorren fatxada berritu egingo da, instalazioak fatxadatik kenduko dira eta argiteria berria jarriko da LED argiekin.
Herrian egiten ari diren berritze lanekin lotu ditu obrak Eneritz Basurko hirigintza zinegotziak. “Herriak berritu behar du eta garbitasunaz gain, txukunketa orokor bat behar dute Udal eraikinek. Fatxada garbiagoa izateak herriaren itxuran eragin positiboa izango duela uste dugu”.
